« Қобда ауданы Өтек ауылдық модельді кітапханасының ашылу салтанаты»

Облыс бойынша 73 ауылдық модельді кітапхана пайдаланушыларға қызмет көрсетеді.  2018 жылдың 1-желтоқсан күні   Елбасы Н.Назарбаевтың "Рухани жаңғыру" бағдарламасы аясында Қобда ауданы   Өтек  ауылдық     кітапханасы «Жаңа үлгідегі ауылдық модельді кітапханасы» болып ашылды.  Оқырмандарға кітапханалық – ақпараттық қызмет көрсету үшін кітапханалық Рабис бағдарламасы орнатылып, интернет желісіне қосылып, заманауи кітапханалық жиһаздармен жабдықталды.

        Кітапхананың салтанатты ашылу рəсіміне  Өтек  ауылдық округінің  əкімі  А.Қ.Есибеков,  «Қобда аудандық орталықтандырылған кітапхана жүйесі» ММ  директоры  Г.М.Бисекенова жəне тұрақты оқырмандар мен ауыл тұрғындары, кітапханашылар қатысты. Өтек  ауылдық кітапханасының кітапханашысы  Ж.Изгалиеваға  "Жаңа үлгідегі ауылдық модельді кітапханасы" сертификаты табысталды.